Wo din bhi kya din the,
Jab hum school jate the,
wo bhari si bag,
wo bhara hua tiffin,
wo roj subhe uththe hue rona,
wo roj galon main sabun LUX lagana,
Wo din bhi kya din the,
Do time roj Bournvita ke sath dudh piya karte the,
Pite hue kaha karte the,
" Tan ki shakti Man ki Shakti, Bournvita "
Roj wohi line main khade hokar,
Prayer kiya karte the aur kisi ka ho Birthday,
to extra choclates liya karte the,
Wo bhi kya din the,
Har chutti ke liya tarsa karte the,
2-2 rupee ki cricket match ki shart rakha karte,
Aur rat ko jab " Zee Horor Show " dekhte,
aur fhir mummy ke pass jake so jate,
Padhai ke bare mat pucho,
Sach bataun to maza aata tha us padhai main,
woh ek ek subject ke marks batane per,
sabhi doston ke marks apne book pe likhna,
aur fhir percentage nikal kar sabhi ko chidana.....
Bahut acha lagta that jab likhte the "FLAMES" book ke piche,
maza ata tha jab ata tha L=lover,
aur rona ata tha jab aata S=sister,
acha lagta tha sabhi ladkiyon se bee jijhak bat karna,
unki help karna, unke sath break main khana share karna,
Wo din bhi kya din the,
Har garmi ki chuttiyan pe rajasthan jana,
wahan mahine bar ki chutti minton pe bitana,
Wo azadi se gaun main ghoomna,
wo sabhi se apni tarrif sun na,
pata nahi fhir bhi acha lagta tha sub kuch,
Wo 12 subject ko har sal padhna,
pure sal main 4 bar exam dena,
wo picnic ke liye pura sal wait karna,
aur pure sal yahi sochna ki kash wo mere baju wali seat par bethe,
Wo din bhi kya din the,
aaj jab main likh raha hoon,
yad nahi main kisko yad kar raha hoon,
na kisi ke chehre yad he,
aur na kisi ke phone no.,
bahut door nikal gaya hoon shayad,
shayad main bahut door nikal gaya hoon
CAclubindia
