Ek bujurg chachaa paseene se tarbatar, hamfate hamfate hotel ki ek table pe aa baithe.
Waiter aaya, kuchh khane kaa order toh dey baithe, par na jaane kyon apne jhole ko badi besabri se tatolne mein hi lage huwe they. kabhi yahan kabhi wahan, bade pareshaan.
Uusi table par, chachaa ke saamne ki kursi par ek insaan bhi baitha tha, joh chachha ki pareshaan harkaten dekh dekh soch mein pad gaya tha.
Aakhir Poochh baitha – chachaa kya baat hai. Batuwa Watuwa kho gaya kya ? toh bhi pareshaan nako hone ka. hum hai na. aap maje se khao. koyee fikar nako karne ka.
Bujurg bole, arre nahin beta, tum jo soch rahe ho aisa kuchh nahin hai. paise toh ye rahe dekho, meri jeb mein hi hain.
par….
par kya chachaa….
beta mere daant nahin hain , main chaukhta lagata hun aur wahi chaukhta main shayad ghar bhool aaya hun. Bus yehi chinta sata rahi hai. Bhookh jor ki lagi hai aur order bhi de chuka hun. ek kaam karo, , yeh lo paise, inhen tum rakh lo . Tum khaa lena aur iin paison se bil ada kar dena. Main toh ab bus ghar pahunch kar hi kuchh kha paunga. kya karun, bhookh bhi badi kadake ki lagi hai.
Woh bhala aadmi – chachaa, main bola na , chinta karo nako. keh kar uusne apne haath mein thaami apni plastic bag kholi aur ek chaukhta nikal chachaa ke saamne rakh diya.
chachaa, ashcharya chakit reh gaya.
uuse dekhte hi rah gaye, jaise devdoot saamne aa baitha ho. muskurate huwe chaukhta uthaya, bhookh joron ki lagi thi. jhatpat lagane ki koshish ki. “beta, bhagwan tumhara bhala karey, par yeh kuchh chhota hai, main iise laga nahin paa raha“
ok, chachaa, yeh lo doosra try karo.
chachaa – arre, yeh kya. meri badkismati dekho, woh chhota tha aur yeh ab thoda bada hai.
Bhala aadmi – arre chachaa, nirash nahin hone ka, yeh dekho. yeh toh fit baithega hi. main bol raha hoon na aapko. Tension nahin lene ka.
Chachha toh khushi ke marey uus par nyochhawar se ho gaye. yeh chaukhta bilkul FIT aa gaya.
Bhookh bhi bus apna dum todne ko hi thi. chachaa ne aav dekha na taav, bus toot padey khane par. kuchh khaya, jaan mein jaan aaye toh chachaa koh uus bhale aadmi ki yaad aayee.
uuski or mukhatib hote huwe maje se khate khate hi bole- arre beta, maaf karna, bhookh itni tej lagi thi, main tumhen poochhna hi bhool gaya.
Bhala aadmi – chachaa, apun poora pet bharke khake baithela hai. apna chinta aap karo nako. aap khush toh apun bhi khush.
chachaa – theek hai beta, par batao toh sahi, tum karte kya ho. yeh itne saare alag alag chaukhte tumhare paas?
kya kisi chaukhta banane wali company mein kaam waam karte ho ?
Bhala aadmi – arre, nahin, nahin chachaa, apun thodi koyee padhela likhela aadmi hai. Apun toh iisi hotel ke pichhwade woh
CAclubindia
